Na ishte njëherë, diku në një qytet të madh, një vend i bukur dhe plot ngjyra si në përralla.

Aty rriteshin fëmije aq të gëzuar, sa mund t'i quaje pa frikë princesha dhe princër të lumtur.

Si me magji, në këtë kopësht përrallash fëmijë të vegjël sa një filiz, na rriteshin në fidanishte, pemishte të cilat më pas jepnin ca “fruta” të shijshme e të shëndetshme për të përgatitur grupe parashkollore të suksesshme.

Në këtë kopësht të magjepsur, na ishte dhe një zanë përrallash që quhej Edlina. Një zanë e gëzuar dhe e qeshur, që i pëlqente të fluturonte në të gjitha vendet e botës. Me pluhurin e saj magjik, ... Read more

Na ishte njëherë, diku në një qytet të madh, një vend i bukur dhe plot ngjyra si në përralla.

Aty rriteshin fëmije aq të gëzuar, sa mund t'i quaje pa frikë princesha dhe princër të lumtur.

Si me magji, në këtë kopësht përrallash fëmijë të vegjël sa një filiz, na rriteshin në fidanishte, pemishte të cilat më pas jepnin ca “fruta” të shijshme e të shëndetshme për të përgatitur grupe parashkollore të suksesshme.

Në këtë kopësht të magjepsur, na ishte dhe një zanë përrallash që quhej Edlina. Një zanë e gëzuar dhe e qeshur, që i pëlqente të fluturonte në të gjitha vendet e botës. Me pluhurin e saj magjik, ajo bënte që të gjitha zanat e tjera në kopësht të ishin aq të qeshura e të gëzuara. Por mbi të gjitha, spikaste njëra, më e veçanta, më e qeshura, më energjikja nga të gjitha, zana Ana Maria, të cilën fëmijët e donin shumë.

Në mënyrë që frutat të bëheshin sa më të shijshme dhe të shëndetshme, fëmijët përveçse me dashuri, ushqeheshin edhe me muzikë dhe tinguj nga muzikanti Albani, mësime anglishteje nga fairy Ada, kërcime dhe valse lumturie nga balerina Evi, stërvitje nga sportistja Klejda, këshilla shëndeti nga doktoresha e lodrave Diana, vizatime nga piktorja Marina dheeee…ujiteshin edhe me ujë pishine nga zana Edlina gjatë ditëve të nxehta të verës. Nuk mungonte as zana Sibora, që fare mirë mund ta quaje edhe Si Drita, aq dritë dhe mirësi reflektonte.

Fëmijët, të gjithë ishin të shkëlqyer. Për vajzat, ç'të themi bukuroshe të vërteta.

Dy Nikol-at me sytë e bukur si deti dhe qielli, Krena flokëarta, krenari për kopshtin, Melodi e ëmbël si tingulli i pianos, Kea e shijshme si qershia, Elisa e bukur si Borëbardha, Marina me faqet si gurabija, dhe Amina, një bekim për kopshtin. Të gjitha së bashku ishin fluturat shumëngjyrëshe të kopshtit të magjepsur.

Ndërsa djemtë, të shumtë në numër, ishin trima dhe të fuqishëm si superheronjtë.

Arli, Ajden dhe Gleni të shpejtë si Flash-i; Learti, Alehandro dhe Bearindi të zgjuar si Patrulla e Putrave, Martini, Dariani dhe Rioni të fuqishëm si Hulku; Abel, Alvi dhe Frenkli të shkathët si Black Panther, Johani, Noel dhe Aron të fortë si Ironman dhe Roan si një Batman i vërtetë.

Të gjithë së bashku, formonin një grup fantastik, ose ndryshe Grupin Alegria!

Kështu, mes lojrash, festash, ekskursionesh, piknikësh, shëtitjesh me biçikleta, vizita në muze, kërcime e këngë, këta fëmijë të mrekullueshëm jetonin çdo ditë në kopshtin e magjepsur si princesha e princër të lumtur.