Edukatore

Edukatore e grupit “Pemishtet”

Unë quhem Ana Maria dhe jam 39 vjeç. Jam edukatore për fëmijët 4-5 vjeç. Me formim në Qendrën Profesionale “Don Bosko” për Animator Social, Pedagogji. Kam një eksperiencë pune si edukatore e akredituar prej 10 vitesh, me kualifikime dhe trajnime të certifikuara nga VME. Punoj këtu që prej vitit 2012. Motoja ime: Dija nuk ka fund. Që të jemi mësues të mirë, duhet të jemi nxënës të përjetshëm!

Edukatore e grupit “Fidanishtet”

Unë quhem Afërdita dhe jam diplomuar në degën Infermieri-Mami. Kam një eksperiencë pune si infermiere në spital prej pesë vitesh. Te “Princi”, unë merrem me edukimin dhe përkujdesjen e fëmijëve të moshës tre dhe katër vjeç. Motoja ime në punë është: Me përkushtim mund të arrihet gjithçka!

Une jam Dori dhe përvecse jam edukatore, jam edhe mami i një djali të vogël. Jam diplomuar për Cikël të Ulët në Fakultetin Aleksandër Moisiu ne Durrës.
Eksperienca ime si nënë nga njera anë, përfundimi me sukses i fakultetit, dhe puna si edukatore në kopshtin “ Princi i Lumtur “, përbëjnë trekëndëshin absolut të plotësimit tim si njeri dhe si grua e re! Motoja ime: Ne nuk mund të bëjmë gjëra të mëdha, vetëm gjëra të vogla me dashuri te madhe!”

Mesuese e grupit pergatitor. Mesuese e draftit te “ After school “

Jam Valbona. E martuar, me dy femije. Jam 45 vjeç. Femijet jane pasioni dhe dashuria ime e jetes. Tek kopshti “ Princi i Lumtur “ merrem me klasen e “ After school “. Eshte klase e vogel, e filluar si projekt ne vitin 2020. Shpresoj te rritet dhe te kete sukses dhe tek kjo nderrmarje do te bej te pamunduren pasi perkushtimi dhe korrektesia jane tiparet qe me karakterizojne.

Edukatore në grupin e çerdhes “Bebushat” dhe “Filizat”

Unë quhem Esmeralda dhe jam 37 vjeç. Punoj këtu që nga viti 2015. Detyra jonë është e rëndësishme për shoqërinë dhe fisnike, prandaj për mua çelësi është edukata. Nëse ne sillemi mirë dhe me dashuri, fëmijët do të ndjekin po këtë model. Motoja ime në punë është: Durim dhe vëmendje!

Mësuese e grupit parashkollor-përgatitor

Unë jam mësuese Jonilda. Jam 35 vjeç. Jap mësim në grupin përgatitor parashkollor me fëmijë të moshës 5-6 vjeç. Jam diplomuar si Mësuese për Ciklin e Ulët në Korçë. Kam punuar si mësuese prej pesë vitesh në klasat fillore të shkollave shtetërore dhe njëkohësisht kam eksperiencë në kopshte. Motoja ime: Ta kryejmë çdo detyrë me një fytyrë të buzëqeshur!

Infermiere, Edukatore në çerdhe

Unë jam Ana dhe jam 39 vjeç. Jam diplomuar në degën Infermieri-Mami. Kam një eksperiencë gjashtë-vjeçare në Pediatrinë Infektive dhe katër-vjeçare te “Princi” ku ushtroj edhe profesionin tim edhe atë të edukatores. Shumë fëmijë kur artikulojnë për herë të parë fjalë thonë “ Ana “- madje edhe babit në shtëpi i thërrasin “ Ana. Motoja ime: Dashuria është gjithçka!

Edukatore në grupet e çerdhes “Bebushat” dhe “Filizat”

Unë jam edukatore Valbona dhe jam 39 vjeç. Punoj te “Princi” që nga viti 2012. Edhe më parë kam punuar si edukatore, prandaj për një kujdes sa më të mirë të fëmijëve kam ndërthurur vitet e mia të eksperiencës me metodat e reja europiane të edukimit. Motoja ime është: Fëmijët janë e ardhmja!

Kuzhiniere

Unë quhem Shpëtime dhe jam 43 vjeç. Kam mbaruar arsimin profesional për kuzhiniere. Kuzhina më ka shoqëruar në pjesën më të madhe të ditës gjithmonë për plot 15 vjet. Që prej vitit 2016 punoj te “Princi i Lumtur”. Përpiqem ta kryej këtë detyrë sa më mirë, duke ndërthurur produktet e nevojshme për fëmijët me ushqimet e tyre të preferuara. Motoja: Mendje e shëndoshë në një trup të shëndoshë!