“…kaq shpesh e tregoja këtë përrallë, sa nuk u mendova dy herë për ta zgjedhur emrin e kopshtit që kisha vendosur të hapja. Sepse për mua nuk ishte thjesht një përrallë. Por një mision në jetë.”

“Princi i Lumtur” është një dhuratë nga një nënë, për nënat. E themeluar në vitin 2007, kopshti ynë nisi aktivitetin me një qëllim: të sjellë diçka të re në mënyrën shqiptare të edukimit të fëmijëve. Ne e dimë më së miri se ç’duhet për mbarërritjen dhe lumturinë e tyre, prandaj krijuam një ambjent që ata të edukohen, socializohen dhe argëtohen. Si nënë e dy fëmijëve, e kuptoj se çdokush do më të mirën për fëmijët e vet. “Princi i Lumtur” jua siguron këtë, nëpërmjet stafit të kualifikuar, kurrikulave të përzgjedhura dhe dëshirës së mirë që fëmijëria e brezave që rriten me ne të jetë një përrallë.